أكيد لما بتسمع كلمة شوفينية أول حاجة بتيجي في بالك هي " القماش الشيفون " .. خاصة لما تكون ما سمعتش الكلمة دي قبل كده
لكن الموضوع طلع بعيد تماماً عن القماش
بيقولك يا سيدي الشوفينية دي معناها التعصب لفكرة معينة ، والتطرف الشديد جداً
وخاصة لما يكون متبني الفكرة دي حزب او طرف بيكره أوي الطرف التاني ..
يعني الشيفونية بتساوي التطرف + الكراهية الشديدة لأي فكرة تانية غير الفكرة اللي الانسان الشيفوني دا بيتبناها
والانسان الشوفيني بيشوف ان جنسه أو نوعه أفضل من أي حد تاني غيره
علشان كده في شوفينية رجالي و شوفينية حريمي وشوفينية وطنية
يعني مثلاً الانساني الشيفوني الذكوري بيكون شايف ان جنس (( اللي هو الذكور )) أفضل من النساء وأعلى وأرقى منهم ..
مش بس كده دا كمان بيكره النساء جداً وبيحتقرهم
ونفس الوضع بالنسبة للأنثى الشيفونية
أما الشيفونية الوطنية بقى فبيكون الانسان دا متعصب لوطنه جداً وشايف انه احسن بلد في الدنيا
وان اهل بلده ووطنه دول اعلى من باقي خلق الله
زي النازيين و اقتناعهم بإن الجنس الآري أفضل الاجناس على الأرض وانهم المفروض يسودوا ويحكموا العالم
وبما انهم شيفونين يعني عندهم تعصب زائد كراهية للآخر .. فهم كانوا بيكرهوا أي جنس تاني وأي دولة تانية
والنازية تعتبر قمة التعصب الشيوفيني
أما عن سر تسميتهم بالشوفينين فدا بيرجع لأيام الثورة الفرنسية
كان في جندي فرنسي اسمه نيكولاس شوفان ،
شوفان اتصاب اصابات كتيرة جداً في حروب الثورة الفرنسية وحروب نابليون
الا انه كان مصر انه يقاتل في سبيل مجد فرنسا ومجد نابليون
أما عن الشوفينية في العالم العربي فموجودة وبكثرة كمان ..
مثلاً في العراق
بعض الكتاب والمحللين السياسين بيعتبروا ان مشكلة الأكراد في العراق
من اهم اسبابها الشيفونية .. و البعض أكد ان الشوفينية كانت سبب الغزو العراقي للكويت
وفي مصر ,, البعض اتهم السادات بالشوفينية ، وناس تانية اتهمت الشعب المصري كله بالشوفينية
والبعض شايف ان فكرة القومية العربية نفسها فكرة شوفينية !!
ليست هناك تعليقات:
إرسال تعليق