من الابداعات اللي قابلتها وانا بشتغل هي ولع الناس الرهيب بإنهم يشوفوا اسم جنابهم منور الجورنال
يتساوى في الموضوع دا عم إبراهيم البواب ودكتور ابراهيم الاستاذ الجامعي ابو عشرة ماجيستير ومش عارفة كام دكتوراه !
كنت بعمل تغطية لمؤتمر في الكلية ، وبعد ما خلص المؤتمر طلبت التوصيات وكده من الدكاترة المشرفين على المؤتمر
الدكاترة باصوني من واحد لواحد لواحد واخيراً كلمت واحد
والوقت مزنوق جداً والدنيا ملغبطة .. ألاقي الدكتور بيتصل بيا بعد ما قفلت واخدت التوصيات
والاقيه بيطلب مني - وانا سامعة حد جنبه بيقوله - بيطلب مني اكتب اسم الدكتور فلان الفلاني !
الرد التلقائي علشان على الأقل اعرف اكتب هو صفته ايه في المؤتمر ؟
يعني هكتب موقعه الاعرابي ايه في المؤتمر يعني ؟؟؟؟؟
سكت شوية كده .. وقال لي عضو بارز في المؤتمر :D
أنا سمعت الكلمة وقولت له من عونيا وقفلت
وبجد لا تعليق !!
