" لم لانتفق علي يوم من أيام السنة نطلق عليه 'يوم الأم' ونجعله عيدا قوميا في بلادنا وبلاد الشرق.. وفي هذا اليوم يقدم الأبناء لأمهاتهم الهدايا الصغيرة ويرسلون للأمهات خطابات صغيرة يقولون فيها شكرا أو ربنا يخليك، لماذا لانشجع الأطفال في هذا اليوم أن يعامل كل منهم أمه كملكة فيمنعوها من العمل.. ويتولوا هم في هذا اليوم كل أعمالها المنزلية بدلا منها ولكن أي يوم في السنة نجعله 'عيد الأم'"
هي دي الفكرة اللي اهداها علي أمين للأم .. لأمه ولكل أم في مصر
اقترح علي أمين فكرة الاحتفال بعيد الأم بعد ما وصله أكتر من جواب من أم بتشتكي من جفاء اولادها
وأمهات بيحكوا عن كفاحهم وتعبهم في تربية أولادهم .. وأمهات نفسهم بس في مكالمة صغيرة من ولادهم
بعد ما طرح علي أمين الفكرة في عموده " فكرة " وصلته جوابات كتيرة من القراء موافقين على الفكرة وبيشجعوها ومتحمسين جداً ليها
واقترحوا يختاروا يوم 21 مارس كيوم للإحتفال بالأم علشان هو رمز لبداية الربيع والازدهار وتفتح الزهور
وفعلاً .. كان يوم 21 مارس 1956 أول عيد للأم في مصر
***
تخيلوا كام أم من يومها قلبها بيفرح في اليوم دا ؟ تخيلوا كام أم تعب عمرها كله بيهون بمجرد ما ولادها يقولوا لها شكراً ويبوسوا إيديها ؟
تخيلوا كام أم بيكون نفسها في حاجة ومش عايزة تشتريها علشان بتفضل أولادها على نفسها وولادها يجيبولها اللي نفسها فيه يومها .. تخيلوا فرحتها ؟
كل الفرحة دي سببتها مجرد فكرة :)
ماتبخلش بهديتك .. لو حتى كانت مجرد كلمة .. أو فكرة ;)
ليست هناك تعليقات:
إرسال تعليق