إتكلمنا الأسبوع اللي فات عن مواقع الزواج الإلكترونية وعرضنا تجربة بحلقة واللي شوفناه لما سجلنا في بعض المواقع دي .. النهاردة بقى معانا آراء الناس في الموضوع دا
سألنا الناس عن رأيهم في الزواج عن طريق المواقع الإلكترونية ، وكمان سألناهم هل ممكن هم نفسهم يتجوزوا عن طريق المواقع دي ولا لأ ؟؟
يلا بينا نشوف قالوا ايه ؟
هداية محمود قالت لنا : " انا عن نفسى مش بؤمن خالص بالمواقع والمكاتب دي
لأنه شئ غريب جداً انى ارتبط بشخص لمجرد وجود بعض الاهتمامات المشتركة بينا
,حاجة زى مسألة عرض وطلب بطلبات ومواصفات معينة وتجارية بحتة مافيش روح فيها
و متهيألى ان معظم الناس مبيكونش هدفهم الجواز من ورا المواقع دى
بالفعل فى ناس كتير بتاخدها كوسيلة للتعارف واستغلال بنات باسم التعارف والجواز
و اكيد أنا بارفض بشدة انى اتجوز بالطريقة دى حتى مع قلة فرص الجواز حاليا لان الهدف مش الجواز فى حد ذاته الهدف فى تكوين اسرة مع حد افهمه و أحبه.
أما أحمد فبيقول لنا :
" المواقع دي من وجهة نظري اللي بيعملها بيبقى بيحاول يعمل عنصر جذب ودعاية لتسويق اعلانات الموقع بتاعه
لأن الشباب دلوقتي .. سواءا ولاد او بنات بقو بيقعدو عالنت معظم الوقت لو هم في حالة فراغ او مش شغالين
وبالتالي هيقعدو يجربو ويحلمو ويشتركو وكل واحد يكتب في البروفايل بتاعه كلام في سكة الحب الحب ..
البوس البوس .. بولوبيف بولوبيف
اما بـخصوص اذا كنت ممكن اشترك في موقع من المواقع دي .. الحقيقه انا فعلا مشترك في موقعين تقريبا
واشتركت فيهم ايام زمان .. أول ما كنت متخرج من الكليه وقاعد عاطل في البيت .. قلت اهو نتسلى شويتين
بس بعد كده بطلت ادخل على المواقع دي .. ونسيت الباسوورد كمان والله
وبصراحة أنا صعب اني اتجوز من المواقع دي لأن معظم الاكاونتات البنانيتي اللي عليها اولاً مضروبة ..
وشوية عيال ضاربينها وحاطيين صور ناس وهمية.. وتلاقيهم كاتبين في البروفيل انهم مش بيتكلمو مع حد غير لما يحوللهم رصيد عالموبيل ..
يبقى تعرفي على طول انها نصباية .. وانه شاب فاضي بيحاول يطلع بأي مصلحة من أي واحد مابيفكرش
وعادة اللي بيحولولهم رصيد فعلاً .. ناس من اخواننا العرب اللي بينزلو مصر في الاجازات ..
يعني .. متعشمين يقضو كام يوم في الهسس
الجواز اللي اعرفه .. بيكون عن طريق حاجه من اتنين
يا اما واحده الواحد يتعرف عليها عن طريق شغل او عن طريق زيارة مابينه ومابين حد من اصحابه المتجوزين وعايز يعمل فيه معروف ويشوفله عروسة
او عن طريق الاهل .. الاب او الام او الاخوات ... دي الجوازات اللي شفتها قدامي واللي لقيتها نجحت بنسبه كبيره
لأنها بتبقى قايمة على اهم حاجه في الدنيا .. الاحترام المتبادل
أما أحمد صبري غباشي قال لنا :
أنا ضد الفكرة أصلاً .. واعتقادي أن روّاد مثل هذه المواقع إما أنهم على قدر من السذاجة ،
أو أنهم يشغلون وقتهم على سبيل التسلية ..
قال رسول الله صلى الله عليه وسلم :تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ
فكيف لي أن أتأكد من أي هذه الصفات الأربع عن طريق موقع إلكتروني للتعارف والزواج ..
لم أقابل بعد من يرتاد هذه المواقع ليقول أنه شخص فظ أو عصبي المزاج ..
كلهم حساسون مرهفون يقدّرون الجمال ويقدسون الحياة الزوجية ..
لهذا أعتبرها لعبة ادّعاء وتصنّع وتمثيل لا شك فيها !
أما أشرف محمد جابر قال لنا :
عن نفسي انا حتي مافكرتش اني ادخل اي موقع من المواقع دي .. لان الفكرة أصلاً ساذجة إلي حد غريب جداً ..
صعب اوي ان اتكلم مع حد علي اساس ان انا عايز اتجوزه ...
وده بيرجع لفكرة الزواج نفسها .. الفكرة دي مش بتيجي الا عن طريق الراحة والاستعداد للشخص اللي قدامي ..
يعني الواحد فينا مش بيفكر في موضوع الزواج الا لما بيلاقي الانسان اللي هو عايز يكمل معاه بقيه حياته ..
وده بالنسبة ليا انا .. انا معرفش الناس التانية تفكيرها ايه ؟
الله اعلم نسبية الجدية فيها اد اية ... بس لو كانت طريقة عملية ..
فا دي تبقي آخر وسيلة الواحد ممكن يتوجه ليها .. انا عن نفسي ضد الفكرة اصلاً ..
وبالتاكيد استحاله اني اتجوز عن طريقها ...
وفي الأول و في الآخر .. سيدنا محمد عليه أفضل الصلاة والسلام قال " اظْفَرْ بذاتِ الدِّينِ تَربَتْ يَدَاكَ " ومقالش خلي حد يختارلك ..
و أم أنس قالت لنا :
" على حسب قناعاتي أقول أنني ضد هذه المواقع ، حتى و لو كان المشرفين نزيهين و يعملون بجدية
لهذه الأسباب
1- من الممكن أن يدخل واحد غير جدي، لمجرد التسلية
2- يعطي بيانات خاطئةأو غير كاملة، و لا تكون فيه صورة واضحة للشخص
3- عن بعد لا نستطيع معرفة الشخص لأن الزواج هو أنهم سيعيشان مع بعض بشحمهما و لحمهما و لن يتخاطبا عن طريق النت
4- عن بعد يسعى الفرد أن يجمل نفسه و يحسن صورته بكل الأشكال، لأن حتى تصرفاتنا تتأثر بالمحيط و الناس التي حولنا
و كأنه الفرد يتحاور مع نفسه فقط و يرسم لنفسه الصورة التي تمنى أن يكون عليها لولا الضروف التي عاشها
5- الفريق القائم على هذه المواقع، أنا لن أشكك في أحد لكن خليني أبسط لك وجة نظري
في الأول يمكن له أن يعمل بجدية و يسأل جيدا عن الأشخاص إذا كان سيسأل عن شخص واحد، 2، 3 على الأكثر
لكن عندما يكبر العدد ستقل """"جودة"""" """الخدمات""" لأنه في الآخر هو عمل
وسيقل حرصهم على أقل الجزئيات التي يمكن أن تعكس العديــــــــــــــــــــد من الخلفيات
كما أن """""خدمات"""" هذه المواقع تتوقف عند الزواج في أقصى الحدود إن لم تكن عند الخطبة، ليس كالأسرة فهي سند على طول العمر
و الله بث في قلب الأب و الأخ هذا الحرص دون مقابل بالعكس سيبذل المال و الجهد والوقت حتى يضع ابنته في المكان الذي يطمئن عليها حتى بعد مماته
وأنا أذكر أبي لما تقدم لي شاب، كان ذلك الشاب "على خلق و دين" كما يقول الناس،يعمل مهندس،
و من عائلة بسيطة لم نسمع عنها إلا خيرا، أعجب به والدي ووافقنا عليه
لكن بعد الخطبة بفترة وجييييييزة جدا لاحظ والدي أنه غير اجتماعي و شخصيته ضعيفة...
لكنني لم أستطع بخبرتي البسيطة أن ألاحظ ذلك فتركني والدي حتى اقتنعت، ففسخنا الخطبة
و كلما سمعنا عنه خبرا كان سوى أنه غادر عمله بعد شهر أو شهرين من بداية عقده و بصفة متتالية جدااا...أو ...
يعني في الآخر لازم يكون هناك من يحيط بالبنت من أهلها و من يخشى عليها حتى تكون نظرته أكثر من ثاقبة
لايمكن أن أتزوج بهذه الطريقة مهما طال بي العمر و لا العنوسة
إلا إذا كان ذاك الموقع سببا فقط لأعلم بوجود شخص بذلك الإسم كأن أعرفه عن طريق العمل أو الدراسة،
و كل المراحل التالية تكون بالصفة العادية أي أن يتقدم مباشرة لا بعد أتعرف عليه و و و
لكنني لا أتزوج بصراحة بهذه الطريقة لأنه لو كان ينفع لوجد في محيطه من تلائمه
ومحمد حويحي قال لنا : "أعتقد أنها ما تفرقش كتير عن فكره وجود مكاتب للزواج ..
او أن حد يعمل أعلان عن نفسه في الجرايد بغرض البحث عن شريك للحياة
لكن فكره المواقع تحديدا .. انا بعتقد انها تعريب للمواقع الجنسية ..
يمكن انا ما جربتهاش لكن من خلال اللي اعرفه عنها او عن مواقع التعارف بصورةعامة
بيفكرني بفكرة وجود مواقع اجنبية للتواصل بالكاميرات مثلا مقابل مبالغ معينة
لكن .. في المواقع المقصوده هايكون الدخول بغرض معروف وهايكون التعارف سريع جداً "
أما عن سؤالك الناس دي جادة ولا لا ، هو كسؤال في المطلق .. مش في محله - أعذريني- لاسباب هي
اولا اننا بنتكلم عن عالم افتراضي .. احتمال الكذب فيه يتساوي مع الصدق ..
مثلاً .. انا محمد ، ممكن اكون فعلاً " محمد" وممكن اكون منتحل الشخصيه دي
فمثلا الاختلاف بين فكرة مكاتب التزويج وبين المواقع إن المكاتب فيها مصداقية اكتر من المواقع لنفس سبب العالم الافتراضي
سبب كمان بطبيعة الحال الانسان فضولي بطبعه ، يبقي الاجابة عن السؤال ده نعتبرها انه محتمل يكونوا جادين لكن مش اكيد
و أمل بتقول لنا :
المواقع دى الخاصة بالزواج والتعارف بغرض الزواج انا رفضاها جداً لانه بفرض انها فعلاً عن طريقها هتتم زيجات متعددة...
هنلاقى ان الموضوع بيتم عن طريق الكلام ومقابلة مرة او اتنين بس وانا شايفة ان الجواز حياة...
يعنى بعرف اللى قدامى ممكن يتصرف ازاى وبيفكر وتعاملاته مع الناس وسلوكه....وده استحالة يحصل فى المواقع والنت
اما بقه بفرض انها مش كويسة واعتقد ان ده الارجح.....
لان المفروض اننا حرين فى افكارنا وحياتنا وطريقة زى دى انا حاسة انها بتلغى جزء التواصل بين الشخصيات وحتة الاندماج اللى بتحسى بيها...
يعنى الشرارة اللى بتنور وبتبدا بيها أول دقات القلب معلنة عن ميلاد حب جديد ...:)
والناس...انا مش هحكم بس بصراحة اعتقد ان الموضوع حتى لو جاد بيبقى مش صريح كل واحد بيبن الكويس اللى فيه....
مافيش صراحة ولا تقبل للآخر بعيوبه
وانا طبعاً مش ممكن اتجوز كده...ده انا مش هتجوز جواز صالونات يبقى اتجوز من على النت...:)
و خالد شحرور قال لنا : أنا عن نفسي مش ممكن اتجوز بالطريقة دي عشان أنا مش مقتنع بيها
بس أكيد في ناس في المواقع دي بيكونوا فعلاً قصدهم خير وبيحاولوا فعلاً يرتبطوا أو يتجوزوا عن طريقها
و محمد أبو الفتوح الحلواني قال لنا :
" انا مش ضد الفكرة نفسها فكرة إني أدور علي شريك حياتي اللي يناسبني في أي حتة إن شالله عالنت دي فكرة محترمة أوي
وتبينلك قد إيه الشباب مش باصين للجواز كمجرد وسيلة للجنس فسواء بقي هتدور من مكاتب جواز هتدور عالنت هتدور تحت السرير مش مشكلة
المشكلة بقي في إيه ؟ في تطبيق الفكرة ونظرة الشاب ليها يعني انا مرة قابلت شاب بيروح المكاتب دي
وبيقوللي بنزل اضرب الطقم واروح في التكييف اقعد مع مزة جامدة وبييجي المشروب ومش بدفع ولا مليم
واوقات كتير بعد مكنت بقوم بتصاحب عالبت دي واشطة جداً
يعني هو واخد المكاتب العادية كوسيلة للتظبيط؟ فما بالك بقي بالمواقع وكده
وكمان لما تيجي تبصي لطريقة وضع المواصفات هتضحكي اوي يعني هو عاوزها جميلة وغنية ومحترمة وشابة ومتعلمة و..و..و...
طب وسعادتك معاك إيه؟ طب ولو هي كده ايه هيرميها الرمية السودا دي؟
فتحسي إنه باصص للموقع إنه خاتم سليمان يعني من الاخر اللي بيلجأوا للمواقع دي ياناس بتهزر ياناس واقعة ورافضة تعترف إنها واقعة
وانا عن نفسي عمري ما اتجوز بالطريقة دي
أما ساره نهل المصري قالت لنا :
أنا متعاملش بصورة مباشرة أو غير مباشرة مع المواقع دي..ومتعودتش أبني حكم على شئ من خلال الآخرين وبس..
بحب يكون كمان من خلال إحتكاك شخصي
وبالنسبة بقى للناس اللي عليه..فكل مجال ف الحياة فيه الشقين الحلو والوحش..
فأكيد فيه كده وفيه كده..وارجع وأقولك إني مش أقدر أحدد ده بدقة برضه لأني مش إتعاملت مع أي شخصية من أعضاء مواقع الزواج
أما أنا مش ممكن أتجوز بالطريقة دي ..لأن فيها نوع من المقامرة بالباقي من عمري..هو الجواز بصفة عامة فيه نوع من المقامرة بس النسبة ف موضوع المواقع أعلى بكتييييير..
لأن الموضوع بالنسبة لي نسبة الإبهام فيه عالية جدا ً..ورغم كوني بحب المخاطرة والتجربة ف مجالات الحياة..بس ف الزواج مش هينفع الحوار ده لأني مش بخاطر بيا وبس..
لأ..فيه إحتمال كبير إن الزواج ده يثمر عن طفل..وساعتها أبقى مخاطرتي دي أسفرت عن أب غير مناسب لأبني
بالنسبة لي موضوع الجواز كله بيتركز على إنه من الأنانية إني أختار شريك مناسب لحياتي ف حين إني مركزش إنه يكون كمان أب مناسب وصالح لأولادي
أما محمد رضوان قال لنا : " انا ببساطة شايف ان الإنترنت وسيلة من وسائل التواصل .. ردي الجاي بناءاً على حبي الشديد للإنترنت..
زي ماقولتلك انا شايف الإنترنت وسيلة من وسائل التواصل بين الناس .. لغة جديدة عرفها البشر للكلام مع بعض بشكل او بأخر ..
بالنسبة للمواقع اللى بتسألي عنها هي مش جديدة ولا الفكرة نفسها مبتكرة ولا حاجة ..!
لانها كانت موجودة من زمان بس على الورق .. زي مثلاً إعلانات الزواج في روز اليوسف ..
هل بقى الناس ساعتها كانت بتقول جد ولا تسالي؟!
أعتقد اننا بقينا نفكر فيها دلوقتي من باب جد ولا تسالي لان فى ناس أسائت إستخدام المواقع دي بشكل او بأخر ..
وفى ناس فعلاً بتكون داخلة الموضوع جاد لأن فى مواقع منها بتتطلب الدفع لإتمام المعاملات بين الأطراف وبعضهم ..
وفى ناس بتدفع فيها .. فما اظنش ان حد حيدفع عشان يتسلى الا لو كان فاضي ..
بس زمان فى مواضيع الإعلانات فى الجرايد والمجلات كان محكوم بقوانين منها انه بيتأكد نوعاً ما بطريقة او بأخرى من شخصية المعلن ..
دلوقتي الإنترنت فتح باب -مش عارف الاقي تعبير تاني غير ده- لمرضى النقص النفسي انهم يعملوا عليه اي حاجة ..
وفى ناس فعلاً كتير داخلة تتسلى بحكم إن الإنترنت لم ينتشر بين الناس فعلاً وفى ناس جادة كتير ما تعرفش طريق الإنترنت دا ..
ولو عارفاه مش حتستخدمه لسبب او لأخر .."
سألنا الناس عن رأيهم في الزواج عن طريق المواقع الإلكترونية ، وكمان سألناهم هل ممكن هم نفسهم يتجوزوا عن طريق المواقع دي ولا لأ ؟؟
يلا بينا نشوف قالوا ايه ؟
هداية محمود قالت لنا : " انا عن نفسى مش بؤمن خالص بالمواقع والمكاتب دي
لأنه شئ غريب جداً انى ارتبط بشخص لمجرد وجود بعض الاهتمامات المشتركة بينا
,حاجة زى مسألة عرض وطلب بطلبات ومواصفات معينة وتجارية بحتة مافيش روح فيها
و متهيألى ان معظم الناس مبيكونش هدفهم الجواز من ورا المواقع دى
بالفعل فى ناس كتير بتاخدها كوسيلة للتعارف واستغلال بنات باسم التعارف والجواز
و اكيد أنا بارفض بشدة انى اتجوز بالطريقة دى حتى مع قلة فرص الجواز حاليا لان الهدف مش الجواز فى حد ذاته الهدف فى تكوين اسرة مع حد افهمه و أحبه.
أما أحمد فبيقول لنا :
" المواقع دي من وجهة نظري اللي بيعملها بيبقى بيحاول يعمل عنصر جذب ودعاية لتسويق اعلانات الموقع بتاعه
لأن الشباب دلوقتي .. سواءا ولاد او بنات بقو بيقعدو عالنت معظم الوقت لو هم في حالة فراغ او مش شغالين
وبالتالي هيقعدو يجربو ويحلمو ويشتركو وكل واحد يكتب في البروفايل بتاعه كلام في سكة الحب الحب ..
البوس البوس .. بولوبيف بولوبيف
اما بـخصوص اذا كنت ممكن اشترك في موقع من المواقع دي .. الحقيقه انا فعلا مشترك في موقعين تقريبا
واشتركت فيهم ايام زمان .. أول ما كنت متخرج من الكليه وقاعد عاطل في البيت .. قلت اهو نتسلى شويتين
بس بعد كده بطلت ادخل على المواقع دي .. ونسيت الباسوورد كمان والله
وبصراحة أنا صعب اني اتجوز من المواقع دي لأن معظم الاكاونتات البنانيتي اللي عليها اولاً مضروبة ..
وشوية عيال ضاربينها وحاطيين صور ناس وهمية.. وتلاقيهم كاتبين في البروفيل انهم مش بيتكلمو مع حد غير لما يحوللهم رصيد عالموبيل ..
يبقى تعرفي على طول انها نصباية .. وانه شاب فاضي بيحاول يطلع بأي مصلحة من أي واحد مابيفكرش
وعادة اللي بيحولولهم رصيد فعلاً .. ناس من اخواننا العرب اللي بينزلو مصر في الاجازات ..
يعني .. متعشمين يقضو كام يوم في الهسس
الجواز اللي اعرفه .. بيكون عن طريق حاجه من اتنين
يا اما واحده الواحد يتعرف عليها عن طريق شغل او عن طريق زيارة مابينه ومابين حد من اصحابه المتجوزين وعايز يعمل فيه معروف ويشوفله عروسة
او عن طريق الاهل .. الاب او الام او الاخوات ... دي الجوازات اللي شفتها قدامي واللي لقيتها نجحت بنسبه كبيره
لأنها بتبقى قايمة على اهم حاجه في الدنيا .. الاحترام المتبادل
أما أحمد صبري غباشي قال لنا :
أنا ضد الفكرة أصلاً .. واعتقادي أن روّاد مثل هذه المواقع إما أنهم على قدر من السذاجة ،
أو أنهم يشغلون وقتهم على سبيل التسلية ..
قال رسول الله صلى الله عليه وسلم :تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ
فكيف لي أن أتأكد من أي هذه الصفات الأربع عن طريق موقع إلكتروني للتعارف والزواج ..
لم أقابل بعد من يرتاد هذه المواقع ليقول أنه شخص فظ أو عصبي المزاج ..
كلهم حساسون مرهفون يقدّرون الجمال ويقدسون الحياة الزوجية ..
لهذا أعتبرها لعبة ادّعاء وتصنّع وتمثيل لا شك فيها !
أما أشرف محمد جابر قال لنا :
عن نفسي انا حتي مافكرتش اني ادخل اي موقع من المواقع دي .. لان الفكرة أصلاً ساذجة إلي حد غريب جداً ..
صعب اوي ان اتكلم مع حد علي اساس ان انا عايز اتجوزه ...
وده بيرجع لفكرة الزواج نفسها .. الفكرة دي مش بتيجي الا عن طريق الراحة والاستعداد للشخص اللي قدامي ..
يعني الواحد فينا مش بيفكر في موضوع الزواج الا لما بيلاقي الانسان اللي هو عايز يكمل معاه بقيه حياته ..
وده بالنسبة ليا انا .. انا معرفش الناس التانية تفكيرها ايه ؟
الله اعلم نسبية الجدية فيها اد اية ... بس لو كانت طريقة عملية ..
فا دي تبقي آخر وسيلة الواحد ممكن يتوجه ليها .. انا عن نفسي ضد الفكرة اصلاً ..
وبالتاكيد استحاله اني اتجوز عن طريقها ...
وفي الأول و في الآخر .. سيدنا محمد عليه أفضل الصلاة والسلام قال " اظْفَرْ بذاتِ الدِّينِ تَربَتْ يَدَاكَ " ومقالش خلي حد يختارلك ..
و أم أنس قالت لنا :
" على حسب قناعاتي أقول أنني ضد هذه المواقع ، حتى و لو كان المشرفين نزيهين و يعملون بجدية
لهذه الأسباب
1- من الممكن أن يدخل واحد غير جدي، لمجرد التسلية
2- يعطي بيانات خاطئةأو غير كاملة، و لا تكون فيه صورة واضحة للشخص
3- عن بعد لا نستطيع معرفة الشخص لأن الزواج هو أنهم سيعيشان مع بعض بشحمهما و لحمهما و لن يتخاطبا عن طريق النت
4- عن بعد يسعى الفرد أن يجمل نفسه و يحسن صورته بكل الأشكال، لأن حتى تصرفاتنا تتأثر بالمحيط و الناس التي حولنا
و كأنه الفرد يتحاور مع نفسه فقط و يرسم لنفسه الصورة التي تمنى أن يكون عليها لولا الضروف التي عاشها
5- الفريق القائم على هذه المواقع، أنا لن أشكك في أحد لكن خليني أبسط لك وجة نظري
في الأول يمكن له أن يعمل بجدية و يسأل جيدا عن الأشخاص إذا كان سيسأل عن شخص واحد، 2، 3 على الأكثر
لكن عندما يكبر العدد ستقل """"جودة"""" """الخدمات""" لأنه في الآخر هو عمل
وسيقل حرصهم على أقل الجزئيات التي يمكن أن تعكس العديــــــــــــــــــــد من الخلفيات
كما أن """""خدمات"""" هذه المواقع تتوقف عند الزواج في أقصى الحدود إن لم تكن عند الخطبة، ليس كالأسرة فهي سند على طول العمر
و الله بث في قلب الأب و الأخ هذا الحرص دون مقابل بالعكس سيبذل المال و الجهد والوقت حتى يضع ابنته في المكان الذي يطمئن عليها حتى بعد مماته
وأنا أذكر أبي لما تقدم لي شاب، كان ذلك الشاب "على خلق و دين" كما يقول الناس،يعمل مهندس،
و من عائلة بسيطة لم نسمع عنها إلا خيرا، أعجب به والدي ووافقنا عليه
لكن بعد الخطبة بفترة وجييييييزة جدا لاحظ والدي أنه غير اجتماعي و شخصيته ضعيفة...
لكنني لم أستطع بخبرتي البسيطة أن ألاحظ ذلك فتركني والدي حتى اقتنعت، ففسخنا الخطبة
و كلما سمعنا عنه خبرا كان سوى أنه غادر عمله بعد شهر أو شهرين من بداية عقده و بصفة متتالية جدااا...أو ...
يعني في الآخر لازم يكون هناك من يحيط بالبنت من أهلها و من يخشى عليها حتى تكون نظرته أكثر من ثاقبة
لايمكن أن أتزوج بهذه الطريقة مهما طال بي العمر و لا العنوسة
إلا إذا كان ذاك الموقع سببا فقط لأعلم بوجود شخص بذلك الإسم كأن أعرفه عن طريق العمل أو الدراسة،
و كل المراحل التالية تكون بالصفة العادية أي أن يتقدم مباشرة لا بعد أتعرف عليه و و و
لكنني لا أتزوج بصراحة بهذه الطريقة لأنه لو كان ينفع لوجد في محيطه من تلائمه
ومحمد حويحي قال لنا : "أعتقد أنها ما تفرقش كتير عن فكره وجود مكاتب للزواج ..
او أن حد يعمل أعلان عن نفسه في الجرايد بغرض البحث عن شريك للحياة
لكن فكره المواقع تحديدا .. انا بعتقد انها تعريب للمواقع الجنسية ..
يمكن انا ما جربتهاش لكن من خلال اللي اعرفه عنها او عن مواقع التعارف بصورةعامة
بيفكرني بفكرة وجود مواقع اجنبية للتواصل بالكاميرات مثلا مقابل مبالغ معينة
لكن .. في المواقع المقصوده هايكون الدخول بغرض معروف وهايكون التعارف سريع جداً "
أما عن سؤالك الناس دي جادة ولا لا ، هو كسؤال في المطلق .. مش في محله - أعذريني- لاسباب هي
اولا اننا بنتكلم عن عالم افتراضي .. احتمال الكذب فيه يتساوي مع الصدق ..
مثلاً .. انا محمد ، ممكن اكون فعلاً " محمد" وممكن اكون منتحل الشخصيه دي
فمثلا الاختلاف بين فكرة مكاتب التزويج وبين المواقع إن المكاتب فيها مصداقية اكتر من المواقع لنفس سبب العالم الافتراضي
سبب كمان بطبيعة الحال الانسان فضولي بطبعه ، يبقي الاجابة عن السؤال ده نعتبرها انه محتمل يكونوا جادين لكن مش اكيد
و أمل بتقول لنا :
المواقع دى الخاصة بالزواج والتعارف بغرض الزواج انا رفضاها جداً لانه بفرض انها فعلاً عن طريقها هتتم زيجات متعددة...
هنلاقى ان الموضوع بيتم عن طريق الكلام ومقابلة مرة او اتنين بس وانا شايفة ان الجواز حياة...
يعنى بعرف اللى قدامى ممكن يتصرف ازاى وبيفكر وتعاملاته مع الناس وسلوكه....وده استحالة يحصل فى المواقع والنت
اما بقه بفرض انها مش كويسة واعتقد ان ده الارجح.....
لان المفروض اننا حرين فى افكارنا وحياتنا وطريقة زى دى انا حاسة انها بتلغى جزء التواصل بين الشخصيات وحتة الاندماج اللى بتحسى بيها...
يعنى الشرارة اللى بتنور وبتبدا بيها أول دقات القلب معلنة عن ميلاد حب جديد ...:)
والناس...انا مش هحكم بس بصراحة اعتقد ان الموضوع حتى لو جاد بيبقى مش صريح كل واحد بيبن الكويس اللى فيه....
مافيش صراحة ولا تقبل للآخر بعيوبه
وانا طبعاً مش ممكن اتجوز كده...ده انا مش هتجوز جواز صالونات يبقى اتجوز من على النت...:)
و خالد شحرور قال لنا : أنا عن نفسي مش ممكن اتجوز بالطريقة دي عشان أنا مش مقتنع بيها
بس أكيد في ناس في المواقع دي بيكونوا فعلاً قصدهم خير وبيحاولوا فعلاً يرتبطوا أو يتجوزوا عن طريقها
و محمد أبو الفتوح الحلواني قال لنا :
" انا مش ضد الفكرة نفسها فكرة إني أدور علي شريك حياتي اللي يناسبني في أي حتة إن شالله عالنت دي فكرة محترمة أوي
وتبينلك قد إيه الشباب مش باصين للجواز كمجرد وسيلة للجنس فسواء بقي هتدور من مكاتب جواز هتدور عالنت هتدور تحت السرير مش مشكلة
المشكلة بقي في إيه ؟ في تطبيق الفكرة ونظرة الشاب ليها يعني انا مرة قابلت شاب بيروح المكاتب دي
وبيقوللي بنزل اضرب الطقم واروح في التكييف اقعد مع مزة جامدة وبييجي المشروب ومش بدفع ولا مليم
واوقات كتير بعد مكنت بقوم بتصاحب عالبت دي واشطة جداً
يعني هو واخد المكاتب العادية كوسيلة للتظبيط؟ فما بالك بقي بالمواقع وكده
وكمان لما تيجي تبصي لطريقة وضع المواصفات هتضحكي اوي يعني هو عاوزها جميلة وغنية ومحترمة وشابة ومتعلمة و..و..و...
طب وسعادتك معاك إيه؟ طب ولو هي كده ايه هيرميها الرمية السودا دي؟
فتحسي إنه باصص للموقع إنه خاتم سليمان يعني من الاخر اللي بيلجأوا للمواقع دي ياناس بتهزر ياناس واقعة ورافضة تعترف إنها واقعة
وانا عن نفسي عمري ما اتجوز بالطريقة دي
أما ساره نهل المصري قالت لنا :
أنا متعاملش بصورة مباشرة أو غير مباشرة مع المواقع دي..ومتعودتش أبني حكم على شئ من خلال الآخرين وبس..
بحب يكون كمان من خلال إحتكاك شخصي
وبالنسبة بقى للناس اللي عليه..فكل مجال ف الحياة فيه الشقين الحلو والوحش..
فأكيد فيه كده وفيه كده..وارجع وأقولك إني مش أقدر أحدد ده بدقة برضه لأني مش إتعاملت مع أي شخصية من أعضاء مواقع الزواج
أما أنا مش ممكن أتجوز بالطريقة دي ..لأن فيها نوع من المقامرة بالباقي من عمري..هو الجواز بصفة عامة فيه نوع من المقامرة بس النسبة ف موضوع المواقع أعلى بكتييييير..
لأن الموضوع بالنسبة لي نسبة الإبهام فيه عالية جدا ً..ورغم كوني بحب المخاطرة والتجربة ف مجالات الحياة..بس ف الزواج مش هينفع الحوار ده لأني مش بخاطر بيا وبس..
لأ..فيه إحتمال كبير إن الزواج ده يثمر عن طفل..وساعتها أبقى مخاطرتي دي أسفرت عن أب غير مناسب لأبني
بالنسبة لي موضوع الجواز كله بيتركز على إنه من الأنانية إني أختار شريك مناسب لحياتي ف حين إني مركزش إنه يكون كمان أب مناسب وصالح لأولادي
أما محمد رضوان قال لنا : " انا ببساطة شايف ان الإنترنت وسيلة من وسائل التواصل .. ردي الجاي بناءاً على حبي الشديد للإنترنت..
زي ماقولتلك انا شايف الإنترنت وسيلة من وسائل التواصل بين الناس .. لغة جديدة عرفها البشر للكلام مع بعض بشكل او بأخر ..
بالنسبة للمواقع اللى بتسألي عنها هي مش جديدة ولا الفكرة نفسها مبتكرة ولا حاجة ..!
لانها كانت موجودة من زمان بس على الورق .. زي مثلاً إعلانات الزواج في روز اليوسف ..
هل بقى الناس ساعتها كانت بتقول جد ولا تسالي؟!
أعتقد اننا بقينا نفكر فيها دلوقتي من باب جد ولا تسالي لان فى ناس أسائت إستخدام المواقع دي بشكل او بأخر ..
وفى ناس فعلاً بتكون داخلة الموضوع جاد لأن فى مواقع منها بتتطلب الدفع لإتمام المعاملات بين الأطراف وبعضهم ..
وفى ناس بتدفع فيها .. فما اظنش ان حد حيدفع عشان يتسلى الا لو كان فاضي ..
بس زمان فى مواضيع الإعلانات فى الجرايد والمجلات كان محكوم بقوانين منها انه بيتأكد نوعاً ما بطريقة او بأخرى من شخصية المعلن ..
دلوقتي الإنترنت فتح باب -مش عارف الاقي تعبير تاني غير ده- لمرضى النقص النفسي انهم يعملوا عليه اي حاجة ..
وفى ناس فعلاً كتير داخلة تتسلى بحكم إن الإنترنت لم ينتشر بين الناس فعلاً وفى ناس جادة كتير ما تعرفش طريق الإنترنت دا ..
ولو عارفاه مش حتستخدمه لسبب او لأخر .."
ليست هناك تعليقات:
إرسال تعليق