ماحدش يفهمني غلط .. أنا ما فقدتش الذاكرة .. ولا كنت في غيبوبة وصحيت
أنا بسأل هو الصح إن احنا نقول عيد الأضحى ولا نقول العيد الكبير ؟؟؟؟
طب هو ليه أساساً احياناً بنقول عليه العيد الكبير ؟؟
سألت ناس كتير في الموضوع دا ودعبست كده واتقطست ..
ناااااس قالوا لي انه اسمه العيد الكبير علشان هو 4 أيام مش زي عيد الفطر اللي هو 3 أيام بس
بس بصراحة ما اقتنعتش يعني .. يوم يخلي واحد كبير والتاني صغير ؟
فدَعبست تاني واكتشفت إنه اسمه العيد الكبير لأن ربنا بيغفر يوم وقفة عرفات لعدد كبير جداً من المسلمين
فعلشان كده اتسمى العيد الكبير .
لكن بعض الناس بتقول غلط أساساً إننا نقول عليه العيد الكبير لأن دا بيخلط بينه وبين " عيد القيامة " عند اخواننا المسيحين
اللي بيسموا عيد الفصح أو عيد القيامة باسم العيد الكبير
وبيسموه العيد الكبير لأهميته الكبيرة في الديانة المسيحية لأنهم بيعتبروه حجر الأساس في الديانة المسيحية
فعلشان كده منعاً للخلط بين الأمور يُفَضَل إننا نقول " عيد الأضحى " لأن مافيش عيد أضحى غير عند المسلمين وبس
وهو اتسمى بالإسم دا لأنّ حُجّاج بيت الله الحرام في اليوم دا بيدبحوا الأضاحي ـ من البقر أو الأغنام ـ في منطقة منى،
بعد رجوعهم من عرفات
ليست هناك تعليقات:
إرسال تعليق